<h3 style="text-align: justify;"><span style="font-size: 18pt;">راپۆرتهكا ناڤدهولهتى ل دۆر شیانێن ئیرانێ بۆ دروستکرنا مووشەک و فرۆکێن بێفرۆکەڤان بهلاڤكرییه و تێدا دیاركرییه، ئیران نێزیكى 20 جۆرێن مووشەکان بۆ گرۆپ و میلیشیایێن شیعهیێن ئیراق و یەمەن و سووریێ فرێدكهن یێن شەرى ژ بۆ پاراستنا بهرژهوهندیێن ئیرانێ دکەن. </span></h3> <h3 style="text-align: justify;"><span style="font-size: 18pt;">پەیمانگهها ناڤدهولهتى بۆ ڤهكۆلینێن ستراتیژى، د راپۆرتهكێ دا ل دۆر مەترسیا مووشەک و فرۆکێن بێفرۆكهڤان یێن ئیرانێ ل سەر تێكدانا رهوشا ئارام یا رۆژهەلاتا ناڤین بهلاڤكرییه و ئاشكرا كرییه، ئیران 20 جۆرێن مووشهكان بۆ میلیشیایێن خوه فرێدكهن دوپات كرییه، وهلاتێن کۆریا باکور، چین و رۆسیا پشكدارن د دروستکرن و پێشڤهبرنا مووشەک و فرۆکێن بێفرۆكهڤان یێن ئیرانێ دا، ئهڤ فرۆكه نه ب تنێ بۆ حالهتێن بەرگریكرنێ یه، بەلکو بۆ هێرشكرنێ ژى دهێته بكارئینان.</span></h3> <h3 style="text-align: justify;"><span style="font-size: 18pt;">پهیمانگهها ناڤبرى د راپورتێ دا ئاماژهكرییه، گرۆپ و میلیشیایێن شیعهیان ب مووشەکێن ئیرانێ ئارامییا رۆژهەلاتا ناڤین تێکددهن، ئەو مووشەک و فرۆکەیێن بێفرۆكهڤان یێن ژ ئالیێ گرۆپ و میلیشیایان دهێنه بكارئینان، دهستههلاتا حکومەتێ ل سهر نینه و نهشێن لێپرسینێ دگهل دا بكهت.</span></h3> <h3 style="text-align: justify;"><span style="font-size: 18pt;">ل داویا راپۆرتێ دیاركرییه، ئەو وهلاتێن دانوستاندنێ دگهل ئیرانێ دکەن پێدڤییه دئاگاهدارى گهف و مەترسیێن مووشەک و فرۆکەیێن بێفرۆكهڤان و میلیشیایێن شیعهیێن سەر ب ئیرانێ ڤه بن.</span></h3> <h3 style="text-align: justify;"><span style="font-size: 18pt;">پەیمانگهها ناڤدهولهتى بۆ ڤهكۆلینێن ستراتیژى، ل سالا 1958ـى بۆ ڤهكۆلینێن ئاساییشا جیهانی هاتیه دامهزراندن و بارەگههێ وێ ل بریتانیایه.</span></h3>
