پارێزگارێ دهۆكێ ئهڤرۆ پێشوازی ل كۆنسلێ گشتى یێ وهلاتێ چیك و شاندێ دگهل دا كر و رهوشا ئاواره پهنابهران و پشتهڤانییا وهلاتێ چێكێ بۆ ههرێما كوردستانێ گۆتوبێژ كرن.
د. على تهتهر و میشێل زڤوو ڤوود پهیوهندیێن دوقۆلى دناڤبهرا گهلێن كورد و چیكى دا و رهوشا ئاواره و پهنابهران و بهرنامێن پشتهڤانیێ ئهوێن وهلاتێ چیك د بیاڤێ پهروهردێ و ساخلهمیێ و جڤاكى دا پێشكێشى ئاواره و پهنابهر و خوجهێن پارێزگهها دهۆكێ دكهت هاتنه گۆتۆبێژ كرن.
ههروهسا بهحس ل هشكهسالیێ و كێم هاتنا بهفر و بارانێ وكارتێكرنا وان ل سهر ژێدهرێن ئاڤێ وسێكتهرێ چاندنێ ب گشتى هاته كرن.
پارێزگارێ دهۆكێ خۆشحالیا خوه بۆ سهرهدانێ دیاركر و سوپاسیا وهلاتێ چیك كر بۆ وان هاریكاریێن مرۆڤایهتى یێن بۆ ئاواره و پهنابهران و خوجهێن پارێزگههێ كرین.
كونسلێ دهولهتا چیك راگههاند، بهرنامێن وان یێن هاریكاریێ بۆ ئاواره و پهنابهران ل پارێزگهها دهۆكێ دێ بهردهوامبن.
حكومهتا چیك ل سالێن بوورى ب رێكا كونسلخانا خوه ل كوردستانێ چهند پرۆژێن پهروهردهیى و ساخلهمیێ و جڤاكى و چهندین بیاڤێن دى ل سنۆرێ پارێزگهها دهۆكێ كرینه.
