سه‌رۆك بارزانی: رۆژنامه‌ڤان رووبرووی هێرشێن نه‌حه‌زێن گه‌لێ كورد دبن

سه‌رۆك بارزانی ب هه‌لكه‌فتا 123 سالیا رۆژنامه‌گه‌ریا كوردى په‌یامه‌ك به‌لاڤكر و گه‌رمترین پیرۆزباهی ئاراسته‌ى رۆژنامه‌ڤان و میدیاكارێن كوردستانێ دكه‌ت.

سه‌رۆك بارزانى د په‌یاما خوه‌ دا راگه‌هاند، ئه‌ركێ هشیاركرن و گه‌هاندنا زانیاریان ل سه‌ر ملێ رۆژنامه‌ڤان و میدیاكارانه‌، كو ب راستی ئه‌ركه‌كێ پیرۆز و هه‌ستیاره‌ و رۆژنامه‌ڤانان رۆله‌كێ گرنگ د ئاراسته‌كرنا رایا گشتى و پێشخستنا جڤاكى دا هه‌یه‌.

سه‌رۆك بارزانی داخواز كر رۆژنامه‌ڤان رووبروو وان هێرشێن رێكخستنێن مه‌دیایی ببن ئه‌وێن ژ بۆ دژاتیكرنا ئیراده‌یا گه‌لێ كوردستانێ ژ ئالیێ نه‌حه‌زێن گه‌لێ كورد كار دكه‌ن.

سه‌رۆك بارزانی دوپات ژی كر، ب ڤێ هه‌لكه‌فتێ داخواز ژ هه‌موو رۆژنامه‌ڤان ومه‌‌دیاكارێن خۆشتڤی و ده‌زگه‌هێن راگه‌هاندنێ دكه‌ت كو وان پیرۆزییان د چارچووڤێ پیڤه‌رێن رۆژنامه‌گه‌ری و پرۆفشنال و راستگۆیێ و ل به‌رچاڤگرتنا نرخ و به‌رژه‌وه‌ندیێن بلندێن وه‌لاتی بكه‌ن.