گه‌نده‌لییه‌كا زۆر د كه‌رتێ وه‌به‌رهێنانا ئیراقێ دا هه‌یه‌

سەرۆکێ دەستەیا وەبەرهێنانا ئیراقێ راگەهاند، كو گەندەڵیەکا زۆر د کەرتێ وەبەرهێنانا ئیراقێدا هەیە، د ڤان سالێن دووماهییێ دا دوو هزار و 322 پرۆژە پێشکێشى دەسته‌یا وان هاتییه‌ كرن، کو ب تنێ 613 پرۆژە ب کرداری کار تێدا هاتییه‌ كرن، زێده‌تر ژ هزار پرۆژه‌یان ژى د وه‌همى بوون.

سوها نەجار سەرۆکا دەستەیا وەبەرهێنانا ئیراقێ راگەهاند، ئەگەر دادگه‌هـ رۆڵێ خوه‌ بگێڕن، ئەو دشێن ب دەهان ملیار دۆلار بۆ خەزێنەیا دەوڵەتێ ڤه‌گه‌رینن، ئه‌ڤه‌ ژبلى وان هه‌موو زه‌ڤییان ژى، کو ب ناڤێ وەبەرهێنانێ دەست ب سەردا هاتییه‌ گرتن.

سەرۆکا دەستەیا وەبەرهێنانا دبێژیت، ب بهایێ زێده‌تر ژ 70 ملیار دۆلار دەست ب سەر زەڤیاندا هاتییه‌ گرتن.

به‌حسێ هندێ ژى كر، حکومەتا ئیراقێ مۆڵەتا وەبەرهێنانێ زێده‌تر ژ هزار پڕۆژە هەڵوەشاندینه‌، کو رێژەیا وەبەرهێنانێ تێدا سفره‌ یان زۆر کێمبوویه‌.

ئاماژەكرییه‌ ژى، پێشبینى دهێته‌ كرن ئەڤ رێكارێن نوو دەهان تریلیۆن دینارێن ئیراقى بۆ خەزێنەیا دەوڵەتێ و هەزاران دۆنه‌مێن ئه‌ردى بۆ وەبەرهێنانێ ڤه‌گه‌رن.