دژه تیرۆرا هه‌رێما كوردستانێ ئه‌ڤرۆ شه‌مبیێ دانپێدانا تاوانباره‌كى به‌لاڤكر كو ناڤ و پێگه‌هێ ئه‌فسه‌رێ دژه تیرۆرا كوردستانێ بكارئینایه و چه‌ند كۆنسولخانێن ل هه‌ولێرێ بكارئینایه ئه‌وژى ب مه‌ره‌ما سه‌خته‌كاریێ و فێلبازیێ.
ل دووڤ وێ گرته ڤیدیۆیێ، تاوانبار ناڤێ وى رێوان ئه‌كره‌م ئه‌حمه‌ده و راگه‌هاند وی ناڤ و پێگه‌هێ ئه‌فسه‌رێ دژه تیرۆرا كوردستانێ و چه‌ند كۆنسولخانه‌یێن وه‌لاتان ل هه‌ولێرێ بكارئینایه، ب ئارمانجا سه‌خته‌كارى و فێلكرنێ بۆ ب ده‌ستڤه‌ئینانا ده‌سكه‌ڤتێن ماددى و گه‌هشتن ب مه‌ره‌مێن تایبه‌ت.
تاوانبار باس ل وی چه‌ندێ دكه‌ت، ئه‌و ده‌رچوویێ زنكۆیا تیشكه ل هه‌ولێرێ خوه وه‌كى ئه‌فسه‌ره‌كێ رێڤه‌به‌رێ گشتی یێ دژه تیرور ناسكر و داكو خه‌لك باوه‌رژێ بكه‌ن، ئه‌ڤ كاره ژى ب رێكا چاپخانه‌كێ ئه‌نجامدایه و نڤێسینه‌كا ئاسایشا هه‌ولێرێ سه‌خته‌كارى تێدا كرن.
گۆتییه ژی، وی ب ڤێ رێكێ سه‌ره‌ده‌رییا كرینا زه‌ڤییه‌كێ دگه‌ل كه‌سه‌كى ل گه‌ره‌كا وه‌زیران ئه‌نجامدایه، هه‌روه‌سا وه‌كو ناسنامه‌كا سه‌خته بۆ ترساندنێ بكارئینایه.
