كۆمسیۆن: 169 ژنان خوه‌ بۆ هه‌لبژارتنێن پێشوه‌خت به‌ربژار كریه‌

كۆمسیونا بلندا سه‌ربه‌خۆیا هه‌لبژارتنان، ئه‌ڤرۆ شه‌مبى 24 نیسانا 2021ێ راگه‌هاندییه، كو 169 ژنان خوه‌ به‌ربژار كرییه‌ بۆ هه‌لبژارتنێن پێشوه‌خت كو بریاره‌ ل 10 چرییا ئێكێ یا 2021ێ بهێنه‌ كرن.

په‌یڤدارا ب ناڤێ كۆمسیونێ، د پرێسكونفرانسه‌كى دا ئاشكرا كریه‌، كو 357 پارتان بۆ هه‌لبژارتنان خوه‌ تۆماركرینه و به‌ربژارێن ژن هه‌ژمارا وان گه‌هشتییه‌ 169 ژنان.

جومانه‌ ئه‌لغه‌لایى، ئاماژه‌ دایه‌ كو 22 هه‌ڤپه‌یمانی و 12 به‌ربژار ژ شه‌به‌كان و 2 سابئه‌، 6 ئێزدى و 16 مه‌سیحى به‌ربژارن، ئاماژه‌ دایه‌ كو ئه‌و پارتێن باوه‌رناما دامه‌زراندنێ هه‌ى دشێن پشكداریێ د هه‌لبژارتنان دا بكه‌ت.

ئه‌لغه‌لایى، ئاشكرا كر كو هژمارا به‌ربژاران 847ـن و ئه‌ڤه‌ دووماهیك ئامارا كۆمسیۆنێ یه‌.