وه‌زیرێن ساخله‌میێن كوردستان و ئیراقێ ئه‌گه‌رێن سۆتنا نه‌خۆشخانا به‌غدا گۆتوبێژكرن

 وه‌زیرێ ساخله‌مییا هه‌رێما كوردستانێ  ل په‌یجێ خوه‌ یێ فه‌رمی یێ فه‌یسبووكێ به‌لاڤكرییه‌، پشتی روویدانێن سۆتنا نه‌خۆشخانا ئیبن خه‌تیب ل به‌غدا و مرنا هه‌ژماره‌كا نه‌خۆش و وه‌لاتییان ، ئه‌ڤرۆ سپێدێ په‌یوه‌ندی ب دكتۆر حه‌سه‌ن ته‌میمی، وه‌زیرێ ساخله‌مییا ئیراقێ كر و ئه‌گه‌رێن روویدانێ و رێكارێن هاتینه‌ لبه‌رگرتن گۆتوبێژكرینه‌.

وه‌زیرێ ساخله‌میێ، هه‌ڤخه‌مییا خوه‌ بۆ روویدانێ دیاركرییه‌ و سه‌ره‌خۆشی ل خێزانێن قوربانییان كرن و ئاماده‌ییا وه‌زاره‌تا ساخله‌مییا هه‌رێما كوردستانێ بۆ هه‌ر پیدڤییه‌كا نۆشداری و گه‌هاندنا هاریكاریێن تیمێ، نۆشداری دیاركر و ژ ئالییێ خوه‌ ڤه‌ وه‌زیرێ ساخله‌مییا ئیراقێ سوپاسییا هه‌ڤخه‌می و هاریكارییا حكومه‌تا هه‌رێمێ كر.