سێمێل.. هه‌ژماره‌كا پرۆژێن خزمه‌تگوزاری هاتن راگه‌هاندن

پارێزگارێ دھۆکێ دپرێسکونفرانسەکى دا ل قەزا سێمێلی هه‌ژماره‌كا پرۆژان ب كۆژمێ ھەشت ملیار و 519 ملیۆن دیناران ل قەزا سێمێلێ راگه‌هاندن و ئێک ژوان پرۆژان ژی بەرێ بنباتی بۆ ئۆڤه‌رپاسا فلکا مرنێ ھاتە دانان.

د. عه‌لى ته‌ته‌ر، پارێزگارێ دهۆكێ ئه‌ڤرۆ رۆژا دوشه‌مبیێ سه‌ره‌دانا قه‌زا سێمێلێ كر و هه‌ژماره‌كا پرۆژان بۆ وێ ده‌ڤه‌رێ راگه‌هاندن، وەکو قێرکرنا جادە و کولانێن ناحێن دەوروبەران و پرۆژێن ئاڤێ و کارەبێ کو گرێدای ژیانا خەلکی نە، ئەڤ پرۆژە بتنێ بۆ قۆناغا ئێکێ نە و بۆ قۆناغا بھێت ژی ھندەک پرۆژێن دی دھێنە ئامادەکرن و ھەر دئەڤسالەدا دێ كه‌ڤنه‌ د وارێ بجهئینانێ دا.
پارێزگارێ دھۆکێ دپرێسکونفرانسى دا گۆت: قەزا سێملێ ژ وان قەزایانە یێن گەلەک پرۆژە تێدا دھێن بجهئینان و گەلەک وەبەرھێنان ژی تێدا دھێت کرن و نھا پتریا پرۆژێن مەزنێن پارێزگەھا دھۆکێ چ ژلایێ وەبەرھێنانێ ڤە بیت، یان ژلایێ پێشەسازی بیت و پتریا وان ل قەزا سێمێلێ دھێنە بجهئینان.