سەرۆکێ حکومەتا هەرێما کوردستانێ ئهڤرۆ پێشوازی ل بالیۆزێ ڤاتیکانێ ل ئێراقێ کر و دوپاتى ل بجهئینانا مادێ 140 یێ دهستوورێ ئیراقێ كر.
مهسروور بارزانى پێگیریا حکومەتا هەرێما کوردستانێ ب پیشخستن و ب هێزکرنا کولتۆرێ پێكڤهژیانا ئاشتییانە یا ئایینی و نەتەوەیی ل هەرێما کوردستانێ دوپات کر و سەرهدانا قەداسەتا پاپای بۆ ئێراق و هەرێما کوردستانێ، ب دیرۆكى ب ناڤكر.
میتیا لێسكۆڤار، بالیۆزێ ڤاتیکانێ سوپاسیێن پاپایێ ڤاتیکانێ گههاندنه سەرۆکێ حکومەتا هەرێما کوردستانێ بۆ سەرخستنا سەرهدانا وى بۆ هەرێما کوردستانێ و پاراستن و مێهڤانداریکرنا کریستیانان و ئاوارە و پەنابەران و هەموو ئەوێن ژ ترسا ستەم و زۆلمێ هاتینه هەرێما کوردستانێ.
مهسروور بارزانى و میتیا لێسكۆڤار پەیوەندیێن دناڤبهرا هەرێما کوردستانێ و حکومەتا فیدرالی و گرنگییا بجهئینانا یاسایا بودجەى و هنارتنا شایستەیێن دارایى یێن هەرێما کوردستانێ ل دهمهكێ نێزیك دا گۆتوبێژ كرن.
هەروەسا رهوشا دەشتا نەینەوا و دهڤهرێن کوردستانی یێن دەرڤهی ئیدارا هەرێمێ، هاتنه گوتۆبێژكرن و دوپاتى ل ئاساییکرنا وان دهڤهران و بجهئینانا مادێ 140 یێ دەستوورى هاته كرن.
