بریتانیا ژ بۆ شه‌ڕێ داعشی هێزێ ره‌وانه‌ی ئیراقێ دكه‌ت

بریتانیا دێ هێزه‌كا سه‌ربازى یا مه‌زن ژ بۆ شه‌ڕێ ل دژی داعشێ ره‌وانه‌ى ئیراق و سووریێ كه‌ت.

رۆژناما ئێكسپرێس ستار یا بریتانى به‌لاڤكرییه‌، بریتانیا دێ هێزه‌كا سه‌ربازى بۆ شه‌ركرنێ ل دژى رێكخستنا تیرۆرستى یا داعشێ ره‌وانه‌ى ئیراق و سووریێ كه‌ت.

ل گۆره‌ى نووچه‌یێن وی رۆژنامێ، ئه‌و هێزه‌ ژ فرۆكێن ئێف بى 35  یێن ئه‌مریكى و شه‌ش كه‌شتییێن سه‌ربازى و ژێر ده‌ریایه‌كێ و 14 هه‌لیكۆپته‌رێن جه‌نگى و هێزه‌كا ئه‌ردی پێك دهێت.

ده‌رباره‌ى وێ یه‌كێ مایك وێنستۆن، فه‌رماندێ هێزێن ده‌ریایى یێن بریتانیا راگه‌هاند؛ ئه‌و هێزه‌ بۆ پشته‌ڤانییا حكومه‌تا ئیراقێ ل شه‌رێ دژى داعشێ دێ هێته‌ فرێكرن.