سەرۆکێ هەرێما کوردستانێ پێشوازی ل مارشال سامی سامپسۆن، شیره‌تكارێ بلند یێ بەرگرییا بریتانیا بۆ رۆژهه‌لاتا ناڤین و ستیفن هیکی، بالیۆزێ بریتانیا ل ئێراقێ كر، د كۆمبوونه‌كێ دا داوى پێشهاتێن شه‌رێ دژى تيرۆرێ و مه‌ترسيێن سه‌رهه‌لدانا داعشێ و چاوانییا به‌رهنگاربوونا هێرشێن وان، ئه‌ركێ هه‌ڤپه‌يمانيىا ناڤده‌وله‌تيیا ل دژى داعشێ ل ئێراقێ و هه‌رێما كوردستانێ گوتۆبێژ كرن.
نێچيرڤان بارزانى سوپاسىیا هاریكاريیا سه‌ربازى یا بريتانيا بۆ هه‌رێما كوردستانێ ژ روویێ مه‌شق و راهێنانێن پێشمه‌رگه‌ى و رۆل و پشكدارى و پشتگيرىیا وان د چاكسازيێن وه‌زاره‌تا پێشمه‌رگه‌ی دا كر.
هەروەسا شاندێ بریتانی په‌سنا رۆل و قوربانيێن پێشمه‌رگه‌ى د تێكشاندنا داعشێ دا كر، هه‌روه‌سا گرنگيیا هه‌بوونا ميكانيزمه‌كا ب هێز یا هاريكارى و هه‌ماهه‌نگيێ د ناڤبه‌را سوپاىێ ئێراقێ و پێشمه‌رگه‌ى ب پشتگيريىا هێزێن هه‌ڤپه‌يمانان ب تايبه‌تى ل وان ده‌ڤه‌رێن ڤالاهییا ئه‌منى هه‌ى دوپات كر.
