وه‌زیرێ په‌روه‌ردا حكومه‌تا هه‌رێما كوردستانێ په‌یامه‌ك ب هه‌لكه‌فتا 59 سالیا دامه‌زراندنا ئێكه‌تییا مامۆستایێن كوردستانێ به‌لاڤكر و راگه‌هاند، مامۆستا ب درێژیا خه‌باتا شۆره‌شگێرانه به‌رده‌وامى ب كارێ خوه ل پێناڤ رزگارى و ئاڤه‌دانكرنا ئاخ و نشتیمانى دایه.
ئالان حه‌مه سه‌عید سالرۆژا دامه‌زراندنا ئێكه‌تییا مامۆستایێن كوردستانێ پیرۆزباهى ل سەرۆک و ستافێ سكرتاریەت و هه‌موو لق و مامۆستایێن کوردستانێ كر و دیاركر، رۆلێ گرنگ یێ مامۆستایان ژبیر ناكه‌ن و مامۆستایێن کوردستانێ د هه‌موو قۆناغان دا رێزا ئێكێ نه بۆ پەروەردەکرن و فێرکرنا جڤاكى. ئالان حه‌مه سه‌عید ئاماژه ب هندێ كر، د ڤان سالێن داویێ یێن شه‌رێ داعش و قەیرانا دارایی و ڤایرۆسێ كۆرۆنایێ، مامۆستایان رۆله‌كێ كاریگه‌ر هه‌بوو د به‌رده‌وامییا پرۆسه‌یا خواندنێ دا. وه‌زیری په‌روه‌ردا هه‌رێما كوردستانێ هیڤیا به‌رده‌وام بوونێ د خزمەتا گه‌هاندنێ بۆ جڤاكى بۆ مامۆستایان خواست.
