سێیەمین کۆنفرانسێ ئامادەکارییان بۆ پرۆژەقانوونا خانەنشینا کرێکاران ل ھەولێرێ هات سازكرن.
دکتۆر عارف حیتۆ، رێڤەبەرێ گشتی یێ کار و دەستەبەرییا کۆمەلایەتی ل ھەرێما کوردستانێ راگەھاند؛ سێیەمین و داوی کۆنفرانسێ دارشتنا رەشنڤیسا پرۆژەقانوونا خانەنشینا کرێکاران ئەڤرۆ رۆژا سێشەمبێ ھاتە سازکرن كو پێشتر ئەو قانوون ژ سالا ١٩٧٠ كار پێ دهێته كرن، چەند ماددەیەک تێدا ھاتبوونە راستڤەکرن، لێ ئەڤ جارە قانوون ب تەمامی دێ ھێت راستڤەکرن.
عارف حیتۆ خویا ژی کر، د رەشنڤیسێ قانوونێ دا رێگری ل ھەر پێشێلکارییەکا ل دژی کرێکاران ھێت کرن و رەوشا کرێکارێن ھەرێمێ دێ ل به‌رچاڤ هێت وه‌رگرتن.
دیار ژی کر، پەرلەمان و حکومەتا هه‌رێما کوردستانێ، کەرتێ تایبەت، رێکخستنێن ناڤخوه‌یی و ناڤدەولەتی یێن تایبەت ب کاری، جڤاتا دادوەری و سەندیکا کرێکاران ئامادەکاریێن پرۆژەقانوونێ دکەن و پاشان بۆ جڤاتا وەزیران و ئالیێن پەیوەندیدار و پاشان بۆ پەرلەمانێ ھێت ھنارتن تاکو بھێت پەسەندکرن و کەرەنتییا خزمەتا کرێکاران بھێت کرن.
