رێکخستنا ساخلەمیا جیھانی ل دۆر وی ڤایرۆسێ نوو یێ ل بریتانیا بەلاڤ بووی، نووچەیەکێ دلخۆشکەر بەلاڤ کر.
رێکخستنا ساخلەمیا جیھانی راگەھاند: ڤایرۆسێ نوو یێ ب ناڤێ ڤی یو ئای، تنێ جۆرەکێ خۆ پێشخستی یێ ڤایرۆسێ کۆرۆنایێ یە و زێدەباری لەزاتیا بەلاڤبوونا وی، لێ مەترسیا وی ژ مەترسیا ڤایرۆسێ کۆڤید-١٩ زێدەتر نینە.
مایک رایان، مەزنە بسپورێ ھەوارھاتنێ ل رێکخستنا ساخلەمیا جیھانی راگەھاند: تا نوکە چ مەترسیێن زێدەتر ژ کۆرۆنایێ ژ ڤایرۆسێ نوو نینن و ل نێزیک دێ زانیاریێن تەمام دەست وان کەڤن.
بسپورێن ساخلەمیا جیھانی بەحس ل وێ یەکێ ژی دکەن کو ڤاکسینێن ھاتینە بەرھەمئینان شیان ھەنە بەرگریا لەشی ژ وی ڤایرۆسی ژی بکەت.
