پشتی بەلاڤبوونا جۆرەکێ نوو یێ ڤایرۆسێ کۆرۆنایێ ل برێتانیا و چەندین وەلاتێن ئەورۆپی، جڤاتا وەزیرێن ئیراقێ بریار دا دەرگەھێن خارنگەھـ ومۆلان بھێنە داخستن.
جڤاتا وەزیرێن ئیراقێ دکۆمبوونا خوه یا ئەڤرۆ دال رۆژا سێشه‌مبى، بریار دا ھەر ژ رۆژا بیست و چارێ ڤێ مه‌هێ دەرگەھێن خارنگەھـ ومۆلان بۆ دەمێ دو حەفتیان بێھنە داخستن و رێکارێن ساخلەمیێ د ڤێ قۆناغێ دا بھێنە تۆند کرن.
ھەر ل سەر ڤی بابەتی جڤاتا وەزیرێن ئیراقێ بریار دا گەشت بۆ وەلاتێن دانیمارک وھۆلەندا و بەلجیکا وئیرانێ و ژاپونێ بھێنە راگرتن، سه‌باره‌ت ئیراقیێن ژ وان وه‌لاتان ژى ڤه‌دگه‌رن، پێدڤیه بۆ دەمێ چارده رۆژان بھێنە کەرەنتین کرن.
جڤاتا وەزیرێن ئیراقێ ھەر د ڤێ کۆمبوونێ دا بریار دا کۆژمەکێ پارەی ژبۆ کرینا فاکسینا دژی کۆرۆنایێ بهێته ده‌ستنیشانكرن.
