كونسۆلێ گشتیێ سعوودیێ‌: دێ په‌یوه‌ندیێن خوه‌ ل ‌گه‌ل هه‌رێمێ به‌رفره‌هتر لێ كه‌ین

 نێچیرڤان بارزانى، سه‌رۆكێ هه‌رێما كوردستانێ، پێشوازى ل محه‌مه‌د بن سلێمان ئه‌لعه‌سیرى، كونسۆلێ گشتی یێ نوو یێ شاهنشینێ عه‌ره‌بستانا سعوودیێ ل‌ هه‌رێما كوردستانێ كر.

نێچیرڤان بارزانى سه‌ره‌راى پیرۆزباهیێ بۆ ده‌ست بكاربوونا وى وه‌ك كونسۆلێ گشتی ێێ نوو یێ سعوودى ل هه‌رێما كوردستانێ، هیڤییا سه‌ركه‌فتنێ بۆ خواست و پشتگیرییا خوه‌ بۆ وى‌ نیشان دا، هه‌روه‌سا سۆپاسىیا ستافێ كونسۆلخانا سعوودیێ‌ كر بۆ ئه‌رك و خزمه‌تا وان ل هه‌رێما كوردستانێ و هیڤییا به‌ره‌ڤ پێشڤه‌چوونا زێده‌تر یا په‌یوه‌ندیێن ئێراقێ و هه‌رێما کوردستانێ ل ‌گه‌ل وه‌لاتێ سعوودیێ‌ خواست.

كونسۆلێ گشتی یێ نوو یێ سعوودیێ، سه‌ره‌راى ده‌ربرینا خۆشحالیێ ب ‌ ده‌ست بكاربوونا خوه‌ ل‌ هه‌رێمى كوردستانێ، دووپات كرییه‌ كو دێ‌ هه‌موو بزاڤێن خوه‌ ئێخیته‌ كار بۆ پێشڤه‌چوونا زێده‌تر یا په‌یوه‌ندیێن هه‌رێما كوردستانێ و عه‌ره‌بستانا سعوودی و به‌رفره‌هكرنا وارێن هه‌ڤپشك هاریكارییا دناڤبرها هه‌ردو ئالییان دا.