قوباد تاله‌بانى: ژ رێككه‌فتنا داویێ د گه‌ل به‌غدا نێزیكین

جێگرێ سه‌رۆكێ حكومه‌تا هه‌رێما كوردستانێ راگه‌هاند، د گه‌ل به‌غدا نێزیكى رێككه‌فتنا داویێ بووینه‌ بۆ پێگیریكرن ب ده‌قێ قانوونا بودجا سالا 2021ێ و دێ كارتێكرنا خو ل سه‌ر ره‌وشا دارایى یا هه‌رێمێ هه‌بیت.

پشتى چه‌ندین كۆمبوونان شاندێ هه‌رێمێ د گه‌ل مسته‌فا كازمى، سه‌رۆكوه‌زیرێن ئیراقێ كۆم بوو و ڤه‌گه‌ریانه‌ هه‌رێما كوردستانێ.

قوباد تاله‌بانى، جێگرێ سه‌رۆكوه‌زیران و سه‌رۆكێ شاندێ دانوستاندكارێ هه‌رێمێ د تویته‌كى دا راگه‌هاند، به‌رى ده‌مه‌كى ئه‌و ڤه‌گه‌ریاینه‌ هه‌ولێرێ و ژ رێككه‌فتنا داویێ ل سه‌ر میكانیزما بجهئینانا قانوونا بودجێ نێزیك بووینه‌، نیازپاكى ژ هه‌ردو ئالییان هه‌بوو و پێگیریكرن ب ده‌قێ وێ قانوونێ دێ كارتێكرنه‌كا باش ل سه‌ر ره‌وشا دارایى ل هه‌رێما كوردستانێ هه‌بیت و په‌یوه‌ندیێن هه‌ولێرێ و به‌غدا ژى دێ به‌ته‌ قۆناغه‌كا نوو.