60 هزار قورچێن ڤاكسینى دێ گه‌هنه‌ هه‌رێما كوردستانێ

په‌یڤدارێ وەزاره‌تا ساخله‌مییا حکومەتا هەرێما کوردستانێ راگه‌هاند، 500 هزار قورچێن ڤاكسینێ دژى كۆرۆنایێ دێ گه‌هنه‌ ئیراقێ و ژ وى سه‌رجه‌مى 60 هزار قورچ پشكا هه‌رێما كوردستانێ نه‌.

ئاسۆ حەوێزی، په‌یڤدارێ وه‌زاره‌تا ساخله‌مییا هه‌رێمێ راگه‌هاند، 500 هزار قورچێن ڤاكسینێ دژى كۆرۆنایێ ژ جۆرێ سینۆفارم یێ چینى دێ گه‌هنه‌ ئیراقێ و 60 هزار قورچ پشكا هه‌رێما كوردستانێ نه‌.

هه‌تا نها ل هەرێما کوردستانێ 110 هزار كه‌سان ڤاكسینێ دژى كۆرۆنایێ وه‌رگرتییه‌.