سهرۆكێ لیژنا ڤهكۆلینان ل دۆسهیێن وهزارهتا كارهبا ئیراقێ راگههاند؛ زێدهترى 8 ملیار دۆلاران ل وهزارهتا كارهبا ئیراقێ هاتینه ب ههدهردان و 56 دۆسهیێن گهندهلییێ رهوانهى دهستهیا دهستپاكییێ هاتینهكرن.
لیژنهیهك ل پهرلهمانێ ئیراقێ ب سهرۆكاتییا حهسهن كهعبى، جیگرێ سهرۆكێ پهرلهمانێ ئیراقێ هاته پێكئینان بۆ ڤهكۆلینان ل دۆسه و گرێبهستێن وهزارهتا كارهبێ دناڤبهرا سالێن 2006 تا 2020ێ.
دهربارهى كارێ لیژنێ حهسهن كهعبى، سهرۆكێ لیژنێ ب میدیایێن فهرمى یێن ئیراقێ راگههاند؛ لیژنا وان راپۆرتهك ئامادهكرییه و ههژمارێن هوور دهربارهى كارێ وهزارهتا كارهبێ تێدا ههنه.
دیار ژى كر، وهزیرێ كارهبێ داخواز ژ جڤاتا وهزیران و پهرلهمانى كرییه گۆتۆبێژان ل سهر وێ راپۆرتێ بكهن و ئاشكهراكرییه زیدهترى 8 ملیار دۆلاران ل وێ وهزارهتێ هاتینه ب ههدهردان.
دۆپات ژى كر، د ڤهكۆلینێن وان دا زێدهترى 56 دۆسهیان رهوانهى دهستهیا دهستپاكییێ هاتینهكرن و ڤهكۆلین ل سهر 36 دۆسهیان رهوانهى دادگهها ڤهكۆلینان هاتینهكرن و تا نها 5 داخوازى و سكالا ل ژێر ڤهكۆلینان دانه.
