مه‌سروور بارزانى دگه‌ل شاندێ دانوستانكارێ هه‌رێمێ كۆمبوو

مه‌سروور بارزانى سه‌رۆكێ حكومه‌تا هه‌رێما كوردستانێ ئه‌ڤرۆ پێنچ شه‌مبى 3-6-2021، دگه‌ل شانده‌كێ دانوستانكاریێ حكومه‌تا هه‌رێمێ كوردستانێ دگه‌ل حكومه‌تا فیدرال كۆمبووییه‌.

د كۆمبوونه‌كێدا دا گۆتوبێژ ده‌رباره‌یى پرۆسا دانوستاندنا هه‌رێما كوردستانێ و حكومه‌تا فیدرالى یا تایبه‌ت ب جێبه‌جێكرنا قانوونا بودجه‌یا فیدرال 2021 كر و ئه‌نجامێ سه‌ره‌دانا چه‌ند رۆژێن بوورى یێ شاندێ دانوستانكار بۆ به‌غدا دیاركرن.

شاندێ دانوستانكار ده‌رئه‌نجامێن كۆمبوونێن خوه‌ دیاركرن ب تایبه‌تى جێبه‌جێكرنا پابه‌ندیێن هه‌رێمێ د چوارچوڤێ قانوونا بودجه‌ىێ د وارێ نه‌فت و داهاتێ نه‌ نه‌فتى دا ، كو دكۆمبوونێدا دگه‌ل وه‌زاره‌ت ولایه‌نێن په‌یوه‌ندى یێن فیدرال و رێكه‌فتن ل سه‌ر میكانزما جێبه‌جێكرنا قانوونێ كر.

  وئاماژه‌ دا رێكه‌فتنا هه‌ردوو دیوانێن چاڤدێریا دارایى فیدرالى و هه‌رێمێ كو رێكه‌فتییه‌ ل سه‌ر میكانیزما هه‌ڤپشك بۆ جێبه‌جێكرنا ئه‌ركێن وان كو د قانوونا بودجهیێ دا بۆ دیاركرینه‌ ل دووڤ تایبه‌تمه‌ندیێن وان ، ب ڤى شێوه‌ى چ ئاسته‌نگ بۆ وه‌زاره‌تا فیدرال نامینن كو ماف و شایسته‌یێن دارایێن هه‌رێمێ خه‌رج نه‌كه‌ت كو د قانوونا بودجه‌ى دا و خشتێ هه‌ڤپیشه‌یان ئاماژه‌ پێكرییه‌.

د كومبونه‌كێ دا جاره‌كادى جه‌خت كرییه‌ كو هه‌رێم یا پابه‌نده‌ ب قانوونا بودجه‌یێ، كو پێدڤیه‌ حكومه‌تا فیدرال ماف و شایستێن‌ دارایى یێن هه‌رێمێ خه‌رج بكه‌ت.