سه‌رۆك بارزانى پێشوازى ل كونسلێ نوو یێ سعوودیێ كر

سه‌رۆك مه‌سعود بارزانى پێشوازى ل كونسلێ گشتى یێ نوو یێ ئه‌ره‌بستانا سعوودیێ ل هه‌ولێرێ كر و به‌حسى پێشڤه‌برنا په‌یوه‌ندیێن هه‌ولێرێ و ریاز كر.

سه‌رۆك مه‌سعوود بارزانى و محه‌مه‌د بن سلێمان ئه‌لعه‌سیرى، كونسولێ نوو یێ سعودیێ ل هه‌ولێرێ كۆم بوون و كونسلێ ئه‌ره‌بستانێ سعوودیێ په‌سنا پێشكه‌فتنا هه‌رێما كوردستانێ به‌حسى وان هه‌ڤركیان كر یێن ل هه‌رێما كوردستانێ چێبووین، هه‌روه‌سا خواست په‌یوه‌ندیێن د ناڤبه‌را هه‌ردو ئالییان دا د وارێ ئابوورى دا پێشبكه‌ڤن.

سه‌رۆك بارزانى رۆناهى ئێخسته‌ سه‌ر په‌یوه‌ندیێن دیرۆكى یێن دناڤبه‌را گه‌لێ كوردستانێ و ئه‌ره‌بستانا سعوودیێ  و سوپاسیا سعوودیێ كر بۆ سڤككرنا بارێ ئاوران و هاریكارییا هه‌رێما كوردستانێ، هه‌روه‌سا سه‌رۆك بارزانى هیڤیا سه‌ركه‌فتنێ بۆ كونسلێ نوو یێ سعودیێ د ئه‌رك و كارێن وى دا ل هه‌رێما كوردستانێ خواست.