سه‌رۆك بارزانى: ئه‌وێن تاوانا شه‌هیدكرنا پێشمه‌رگه‌یان ئه‌نجامدای دێ گه‌هنه‌ سزایێ خوه‌

سەرۆک مەسعود بارزانی ئه‌ڤرۆ ئێكشه‌مبى 6 خزیرانا 2021ێ ب رێیا تەلەفۆنێ پەیوەندی ب مالباتێن ئەوان پێشمەرگەیێن قارەمان کرن، کو ل ٥ـێ خزیرانا ٢٠٢١ ئەرکیێ ئاسایێ خوه‌دا بوون ژ ئەنجامێ ھێرشا چەکدارێن پەکەکێ شەھیدبوون.

سەرۆک بارزانی بۆ مالباتێن ئەوان شەھیدان ڕاگەهاند، كو پرسەییا ئەوان شەھیدان پرسەییا منە و پاشى یا ئه‌وانه‌، ھه‌ڤسۆزی و ھه‌ڤخەمییا خوه‌ گەهانده‌ وان، سەرۆک بارزانی ئه‌و ژى بۆ مالباتێن شەهیدان دووپاتکریه‌ڤه‌ کو ئەوێن تاوانا شەھیدکرنا پێشمەرگه‌یان ئەنجامدای دێ گه‌هنه‌ سزایێ خوه‌.

پشتى ئه‌وێ په‌یوه‌ندیێ سه‌رۆك بارزانى هه‌ر ب رێیا ته‌له‌فونێ په‌یوه‌ندى ئێك ب ئێك ب وان پێشمه‌رگه‌یان كر یێن كو ب ئه‌گه‌رێ وێ هێرشا چه‌كدارێن په‌كه‌كێ ل رۆژا 5 خزیرانا 2021ێ بریندار بووین و هیڤییا چاره‌سه‌ربوونا بله‌ز بۆ وان كر.