بابه‌كر زێبارى: هه‌رێم نه‌شێت ئێدى همبه‌رى كریارێن په‌كه‌كێ بێده‌نگ بیت

شیره‌تكارێ سه‌ربازى یێ سه‌رۆكێ هه‌رێما كوردستانێ راگه‌هاند، په‌كه‌كه‌ ده‌مێ چه‌ندین سالانه‌ بوویه‌ كێشه‌ بۆ هه‌رێما كوردستانێ و ب ئاشكرایى شه‌رى ب هه‌رێما كوردستانێ دفرۆشیت و هه‌رێم نه‌شێت ئێدى بێده‌نگ بیت، هه‌كه‌ په‌كه‌كه‌ خوه‌ ژ هه‌رێمێ ڤه‌نه‌كێشیت پێدڤییه‌ ب زۆرى بهێته‌ ده‌ركرن.

بابه‌كر زێبارى راگه‌هاند، په‌كه‌كێ پشكه‌كا ئاخا هه‌رێما كوردستانێ داگیركرییه‌ و كریارێن وان دژى هێزێن فه‌رمى و خه‌لكێ كوردستانێ تیرۆرستینه‌، ژبه‌ركو ل گه‌له‌ك ده‌ڤه‌ران ته‌قه‌ ل پێشمه‌رگه‌ى و هێزێن ئاساییشێ كرییه‌.

زێبارى گۆت ژى: ده‌مێ سوپایێ توركیا دچیته‌ جهه‌كێ په‌كه‌كه‌ بێده‌نگه‌، لێ ده‌مێ پیشمه‌رگه‌ دچیت شه‌رى دكه‌ن، پێدڤییه‌ په‌كه‌كه‌ ژ هه‌رێما كوردستانێ بهێته‌ ڤه‌كێشان یان ژى پێدڤییه‌ ب زۆرى بهێنه‌ ده‌ركرن.