زاخۆ…پێشمەرگەیەک د ئەرکێ خوه‌ دا هاتە شەهیدکرن

رێڤەبەرێ ناحیا دەرکارێ شەهیدکرنا پێشمەرگە رزوان سندی ب دەستێن چەکدارێن پەکەکێ بۆ خانی نیوز پشتراستکر.

ئەدیب جەعفەر، رێڤەبەرێ ناحیا دەرکارێ بۆ خانى نیوز گۆت: سپێده‌هیا ئه‌ڤرۆ هێزێن پێشمەرگە ب هەڤکاری دگەل هێزێن پاسەوانێن سنۆری یێن ئیراقێ بۆ پاراستنا ئارامیا دەڤەرێ چوون بلنداهیا کێرەیی هنداڤی دەرکارێ بگرن كو جهەکێ ئێستراتیژیە، لێ د بەرانبەر دا پەکەکێ ب نیشانگران پێشمەرگە کرە ئارمانج و پێشمەرگەیەک شەهیدبوویە.

ئەدیب جەعفەر گۆت: پێشمەرگە ئەو دەڤەرێن پلان بۆ هاتیە دانان گرتینە.

ژێدەرەکێ ژ هێزین پێشمەرگەى بۆ خانی نیوز دیارکر، شڤێدی پێشمەرگە رزوان سندی ل ده‌ڤەرا زاخۆ د ئەرکێ خوە دا بووو ژ نشکەکێ ڤە ب چەکێ قەناسێ هاتە ئارمانجکرن و شەهیدکرن.
ژێدەری دیاركر ، هەموو گۆمان بۆ هندێ دچن کۆ ژ ئالیێ چەکدارێن پەکەکێ ڤە هاتیە شەهیدکران.