پشتى گرتنا سنۆران ل چه‌ند روژێن بوورى، ئه‌ڤرۆ سنۆرێ بریتانیا و فره‌نسا هاته ڤه‌كرن هاتن و چوون دناڤبه‌را هه‌ردوو وه‌لاتان ده‌ست پێكره‌ڤه.
پشتى به‌لاڤبوونا جوره‌كێ نوو یێ ڤایرۆسێ كۆرۆنا ل بریتانیا، فره‌نسا سنۆرێن خوه دگه‌ل وى وه‌لاتى گرتن و ب سه‌دان بارهه‌لگر ل سه‌ر سنۆرى مان، ئه‌ڤرۆ چارشه‌مبى، لڤین ل وى سنۆرى ده‌ست پێكره‌ڤه، رێ ب وان بریتانیێن ئاكنجى ل فه‌ره‌نسا ڤه‌گه‌رنه وه‌لاتێ خوه.
حكومه‌تا فره‌نسا بریاردا پشكنینا كۆرۆنایێ بۆ وان هه‌مى كه‌سان بهێته‌كرن یێن دناڤبه‌را بریتانیا و فره‌نسا دا هاتن و چوونێ دكه‌ن، ژبلى هاتنوچوونا سنۆرى، گه‌شتێن فرۆكان ژى ب شێوه‌كێ سنۆردار ده‌ستپێكرن.
ژ ترسا به‌لاڤبوونا جۆرێ نوو یێ ڤایرۆسێ كۆرۆنا، گه‌شتكرن ژ بریتانیا بۆ پێنجى وه‌لاتێن جیهانێ هاتیه قه‌ده‌غه‌كرن و رێ ب چ كه‌سان ناهێته دان ژ بریتانیا گه‌شتێ بو وان وه‌لاتان بكه‌ن.
