كچه‌كا كورد ب ده‌ستێ ده‌ستگرتییێ خوه‌ هاته‌ سۆتن

ته‌رمێ كچه‌كا گه‌نج یا رۆژهه‌لاتا كوردستانێ كو ب ده‌ستێ ده‌ستگرتیێ خوه‌ هاتیه‌سۆتن، د رێیا دناڤبه‌را سه‌قز-سنه‌ ل روژهه‌لاتا كوردستانێ هاتییه‌ دیتن.

مالپه‌رێ هه‌نگاو به‌لاڤكرییه‌، ئه‌ڤرۆ ته‌رمێ كچه‌كا گه‌نج یا خه‌لكا سه‌قز ب ناڤێ (گولاله‌ شێخى) د رێیا دناڤبه‌را سه‌قز-سنه‌ ل جهه‌كى ب ناڤێ چاپانا ژێرى هاتییه‌ دیتن .

هه‌روه‌سا گولاله‌ فه‌رمانبه‌ر بوویه‌، به‌رى دو حه‌فتیان  ‌ دگه‌ل ده‌ست گرتیێێ خوه‌ گه‌شت كرییه‌، و ده‌ستگرتیێ وێ كورخالێ وێ بوویه‌، پاش ده‌ستگرتیێ وێ په‌یوه‌ندى ب مالا كچكێ كرییه‌ پێ گوتیه‌، كو من ‌یا كوشتى و ته‌رمێ وێ د رێیا دناڤبه‌را سه‌قز-سنه‌ یا ڤه‌شارتى، پشتى تاوانى ره‌ڤییه.‌

ئاماژه‌ ب وێ  كرییه‌، دوهى تاوانبار ب ناڤێ (كه‌یومه‌رس) ل باژێرێ ئاستار ل باكورێ ئیرانێ هاتییه‌ ده‌سته‌سه‌ركرن، پاشى دانپێدان كرییه‌ كو دگه‌ل هه‌ڤالێ خوه‌ ب چار لیترێن پانزینێ گولاله‌ سۆتىیه‌ و ته‌رمێ وێ ڤه‌شارتییه‌.