هژمارەکا سایتێن جیهانی ژ کار کەفتن

ئەڤرۆ سێشه‌مبى، هژمارەکا سایتێن راگەهاندنێ و سازیێن حکومی یێن جیهانی ژ کار کەفتن.

رۆژناما ئێندیپێندنت دیار كرییه‌، ئەڤرۆ سپێدێ ب سەدان سایتێن سازیێن ناڤدار یێن جیهانی و سایتێن حکومی یێن وەلاتان بۆ دەمەکێ ژکار کەفتن و هه‌تانوکە ئەگەرێ ژکارکەفتنا وان بۆ سێرڤەرەکێ ڤەدگەرینن.

هەروەسا دیار کرییه‌: مالپەرێن ئەمازۆن، حکومەتا بریتانیا، رێدێت، سی ئێن ئێن، فاینانشیال تایمز، نیۆیۆرک تایمز، ئێچ بی ئۆ، تویچ، هۆلۆ، تارگێت، بلۆمبێرگ و گاردیان د ناڤا وان سایتان دانه ‌یێن ژ کار کەفتین.