نێچیرڤان بارزانى سه‌رۆكێ هه‌رێما كوردستانێ راگه‌هاند، مامۆستایێن ئایینى رۆله‌كێ كاریگه‌ر ل سه‌ر جڤاكى هه‌یه و دڤى وارى دا دشێن رۆلێ خوه یێ ئه‌رێنی بۆ موكومكرنا بنه‌مایێن جڤاكى و ئاشتییا جڤاكى و ره‌تكرنا توندكاریێ بكه‌ن.
پشتى نیڤرۆ یا ئه‌ڤرۆ سێشه‌مبى 8-6-2021 نێچیرڤان بارزانى سه‌رۆكێ هه‌رێما كوردستانێ، پێشوازى ل شانده‌كێ ئێكه‌تییا زانایێن ئایینێ ئیسلامێ كر.
سەرۆکاتییا ھەرێما کوردستانێ راگەهاند: ئەڤرۆ نێچیرڤان بارزانی، سەرۆکێ ھەرێما کوردستانێ ل گەل شاندەکێ ئێکەتییا زانایێن ئاینێ ئیسلامێ کۆمبوویە و بەحس ل که‌لتۆرێ پێکڤەژیانێ و ئیك قەبوولکرنێ کرییە، ژ لایێ خوه ڤە شاندی پشتەڤانیا خوه بۆ بزاڤێن بارزانی بۆ ئێکرێزی و تەبایێ دناڤبەرا پێکھاتەیان دا و بزاڤێن نڤێسینا دەستووری دا دوپاتکرن.
نێچیرڤان بارزانی، سەرۆکێ ھەرێما کوردستانێ گۆت، مامۆستایێن ئاینی رۆلەکێ سەرەکی ل سەر جڤاكى و ئاراستەکرنا وان ھەیە و دشێن ھێشتا رۆلێ خۆ ب ھێز بێخن بۆ باشترکرنا بنەمایێ جڤاكى و ئاشتەوایی و رەتکرنا توندکاریێ.
ژ لاێ خوه‌ڤه ئیكه‌تییا زانان ژى پشته‌ڤانییا خوه بۆ بزاڤێن سه‌رۆكاتییا هه‌رێما كوردستانێ دیار كرن، ژ پێخه‌مه‌ت ئێكرێزى و ته‌ڤایا دناڤبه‌را لایه‌ن و پێكهاتێن كوردستانێ دا و بزاڤێن نڤێسینا ده‌ستوورێ هه‌رێمێ دووپاتكرن.
