لژنا مافێن مرۆڤی: ل دهۆكێ كێشه‌یێن ژنان كێمبووینه‌

لژنا مافێن مرۆڤى ل په‌رله‌مانێ كوردستانێ  راگه‌هاند؛ كێشه‌یێن ژنان ل پارێزگه‌ها دهۆكێ ب شێوه‌یه‌كێ گشتی كێمبووینه‌.

لژنا كاروبارێن جڤاكی و مافێن مرۆڤى ئه‌ڤرۆ سه‌ره‌دانا رێڤه‌به‌رییا نه‌هێلانا توندوتیژیێ ل دژی ژنان ل پارێزگه‌ها دهۆكێ كر ود پرێسكۆنفرانسه‌كێ دا راگه‌هاند: كێشه‌یێن ژنان ب شێوه‌كێ گشتى ل پارێزگه‌ها دهۆكێ ب قه‌زا و ناحیێن خوه‌ ڤه‌ هه‌مبه‌ر پارسال جوداهییه‌كا ئه‌رێنی هه‌یه‌ و ئه‌و یه‌كه‌ ژى بۆ وى  كارێ باش دزڤریت یێ ژئالییێ رێڤه‌به‌رییا به‌رهنگاربوونا توندوتیژیا دژى ژنان ڤه‌ هاتییه‌ كرن.

هه‌روه‌سا رێڤه‌به‌رییا نه‌هێلانا توندوتیژیێ ل دژی ئافره‌تان  ئامارا پێنچ مه‌هێن ئه‌ڤساله‌ د پرێسكۆنفرانسی دا راگه‌هاند و دياركر، 1284 سكالا د ئه‌ڤساله‌ دا هاتینه‌ تۆماركرن، 928 ژ وان هاتینه‌ چاره‌كرن و 155 سكالا ژی بۆ دادگه‌هێ هاتینه‌ ره‌وانه‌كرن.