پشده‌ر.. چار كه‌سان گیانێ خوه‌ ژده‌ست دان

رێڤه‌به‌رێ باژارۆكێ هه‌لشۆى سنورێ قه‌زا پشده‌ر راگه‌هاند، ژ ئه‌گه‌رێ بوردومانكرنا فرۆكێن جه‌نگی یێن توركیا چار كه‌سان دناڤ تورمبێله‌كێ دا گیانێ خوه‌ ژده‌ست دان.

به‌كر وه‌یسى، رێڤه‌به‌رێ باژارۆكێ هه‌لشۆى بۆ میدیایێن كوردىراگه‌هاند، ئه‌گه‌رێ بۆردومانكرنا تورمبێله‌كێ ژلایێ فرۆكێن جه‌نگی یێن توركیا ل سه‌ر رێكا كانى لان كو رێكه‌كا گشتى یه‌ و یا ئاڤه‌دانه‌، چاركه‌سان دناڤا تورمبێله‌كێ دا گیانێ خوه‌ ژده‌ست دان .

گوت ژى، له‌شێ قوربانیان ب ته‌مامى هاتیه‌سۆتن و ناهێنه‌ نیاسیبن ژئه‌گه‌رێ هندی لژنه‌كا ڤه‌كولینان بو نانسنامێن وان پێكئیناییه‌ و تیمێن به‌رگرییا شارستانى سنورى بزاڤا كونترولكرنا ئاگرى داینه‌.