پشتی بەرفرەهبوونا شەرێ پەکەکێ و سوپایێ تورکیا ل دەڤەرێن سنوری یێن پارێزگەها دهۆکێ زیان گەهشتیە هندەک جهێن شوونواری.
رێڤەبەرێ شوونوارێن پارێزگەها دهۆکێ تایبەت بۆ خانی نیوز گۆت، ل دەڤەرێ سنوری یێن پارێزگەها دهۆکێ هەژمارەکا زۆر یا شوونواران هەنە و دگەل بەرفرەهـبوونا شەرێ پەکەکێ و تورکیا هندەک هاتینە سۆتن و هندەک ژی هاتینە بۆمبەبارانکرن و ژناڤبرن.
د. بێکەس بریفکانی گۆت ژی، ژبەر کو ئەو نەگەهشتینە جهێ شوونواران و ژبەر شەری ئەو نزانن زیانێن وان چەندن، هەروەسا گۆت ژی وان رێکخراوێن نێڤدەولەتی و پەرلەمانتار ئاگەهدارکرینە بۆ ڤێ چەندێ، هەر دیسان دگەل گەهشتنا وان بۆ وان جهان ئەو دێ پلانان دانن بۆ نووژەنکرنا وان شوونواران یێن کو دشیاندایە بهێنە نووژەنکرن.
ل داویێ ژی گۆت، ل سالا 2013 تا بەری کۆرۆنایێ لژنێن وان شیاینە نێزیکی هزار و 400 جهێن شوونواری تۆمار بکەن و زێدەتر ژ ڤێ هەژمارێ ژی جهێن شوونواری هەنە و ل داهاتیدا دێ کار ل سەر کەن.
