ده‌زگه‌هێ لوتكه بۆ كاروبارێن په‌نابه‌ران راگه‌هاند، كو شه‌ڤا بۆرى ب ئه‌گه‌رێ روودانه‌كا شه‌مه‌نده‌فه‌رێ ل ئیتالیا دوو په‌نابه‌رێن كورد گیانێ خۆ ژ ده‌ست دا.
ده‌زگه‌هێ لوتكه بۆ كاروبارێن په‌نابه‌ران به‌لاڤكرییه: كو شه‌ڤا بۆرى ل ئیتالیا ب روودانه‌كا دل ته‌زین دوو په‌نابه‌رێن كورد گیانێ خۆ ژ ده‌ست دا و ئێكێ دى ژى بریندار بوویه، ئه‌و په‌نابه‌ر دگه‌ل 20 بوون و مه‌ره‌ما وان ئه‌و بوو ب هه‌ر رێكه‌كێ وه‌ك په‌نابه‌ر خو بگه‌هیننه وه‌لاتێ فره‌نسا.
ئه‌ڤ روودانه ل هێلا لیگوریا ل ده‌ڤه‌را ساڤونا روودایه، پشتى روودانێ ژى پولیس ب له‌ز گه‌هشتینه جهێ روودانێ و ئه‌و رێك گرتینه.
ده‌زگه‌هێ لوتكه به‌حسێ ئه‌وێ چه‌ندێ ژى كرییه كو وان هه‌ردوو په‌نابه‌ران ئێكسه‌ر گیانێ خۆ ژ ده‌ست دایه و یێن بریندار ژى هنارتییه نه‌خۆشخانا وى وه‌لاتى، و ل دووڤ زانیارێن ڤى ده‌زگه‌هى ئه‌و په‌نابه‌رێن دى ب سه‌لامه‌تن و ژلایێ پولیسانڤه هاتینه ده‌سته‌سه‌ركرن.
