<h3 style="text-align: justify;"><span style="font-size: 18pt;">ئه‌ندازیارێ سه‌رپه‌رشتێ پرۆژێن قایمه‌قامیا زاخۆ راگه‌هاند؛ حكومه‌تا هه‌رێما كوردستانێ زێده‌ترى 16 ملیار دیناران بۆ پروژێن زاخۆ ته‌رخان كرینه، ب ئه‌ڤان پاران دێ 72 پرۆژێن نوو ژ هه‌موو بواران هێنه دروستكرن.</span></h3> <h3 style="text-align: justify;"><span style="font-size: 18pt;">ئه‌ندازیار هێژا محه‌مه‌د راگه‌هاند؛ پێشتر حكومه‌تا هه‌رێما كوردستانێ رازه‌مه‌ندى لسه‌ر ئه‌نجامدانا 50 پرۆژه‌یان بۆ زاخۆ دابوو، ژ وان 34 پرۆژه ب دووماهى هاتینه و پرۆژێن مایى د قوناغا جێبه‌جێكرنێ دانه، گوت ژى: ئێك ژ ئه‌گه‌رێن گیرۆبوونا پرۆژان گرانبوونا بهایێ دۆلارى و كه‌ل و په‌لان بوویه.</span></h3> <h3 style="text-align: justify;"><span style="font-size: 18pt;">ئه‌ندازیار هێژا محه‌مه‌د، ئه‌ندازیارێ سه‌رپه‌رشتێ پرۆژێن قایمه‌قامیا زاخۆ دیاركر ژى؛ رازه‌مه‌ندى لسه‌ر سێ بودجه‌یێن جودا بۆ قه‌زا زاخۆ هاتینه كرن، ئێك ملیار دینار بۆ حه‌فت پرۆژان، بودجه‌یه‌كێ دى ب كۆژمێ 11 ملیار و 357 ملیۆنان كو بریاره 50 پرۆژه بهێنه دروستكرن، و رازه‌مه‌ندى لسه‌ر بودجه‌یه‌كى ب كوژمێ 4 ملیار و 37 ملیۆن دیناران كو دێ 15 پرۆژه هێنه دروستكرن، نها ل هه‌موو ده‌ڤه‌رێن قه‌زا زاخۆ كار لسه‌ر پرۆژان دهێته كرن و كار تێدا به‌رده‌وامه.</span></h3>
