برینا دو كه‌سێن روودانا مینى پاسێ یا دژواره‌

روودانه‌كا هاتن و چوونێ ئه‌ڤرۆ سپێدێ ل نێزیك گوندێ مه‌لا‌بروان ناحیا قه‌سرۆكێ روودا و 10 كه‌س برینداربوون.

رائید سه‌گڤان ئه‌نوه‌ر، به‌رپرسێ پشكا هاتن و چوونا ناڤ بازارى ل قه‌زا شێخان بۆ خانى نیوز راگه‌هاند؛ ئه‌ڤرۆ رۆژا چارشه‌مبى سه‌عه‌ت 9 سپێدێ ل نێزیك گوندێ مه‌لابروان ل سنورێ قه‌زا شێخان روودانه‌كا هاتن و چوونێ ژ جۆرێ وه‌رگه‌ریان روودا، د ئه‌نجام دا 10 كه‌س بریندار بوون و برینا 2 ژ وان یا دژواره‌.

رائید سه‌گڤان ئه‌نوه‌ر گۆت؛ كارمه‌ندێن پشكا سه‌خبێریا رێڤه‌به‌ریا رێك و پرا ل پارێزگه‌ها دهۆكێ د ترۆمبێله‌كا مینى پاس دا بوون بۆ  چوونا سه‌خبێریكرنا جاددا دناڤبه‌را ناحیا رۆڤیا بۆ چره‌ى.

به‌رپرسێ پشكا هاتنوچوونا ناڤ بازارى ل قه‌زا شێخان دیاركر، ئه‌گه‌رێ ڤێ روودانێ ژبه‌ر له‌زاتیا ترۆمبێلێ بوویه‌  كو ل ژێر كۆنترۆلا شوفێرى ده‌ركه‌تیه‌، زیانێن ئابورى گه‌هاندینه‌ ترۆمبێلێ و په‌رژانێ جاددێ.