ویلایهتێن ئێكگرتی یێن ئهمریكا پشتی هێرشێن مۆشهكى یێن بهردهوام ل سهر زۆنا كهسك ل باژارێ بهغدا، ڤهكۆلینان ل دۆر گرتنا بالیۆزخانا خوه ل بهغدا دكهت.
سایتێ ئێكسوز یێ ئهمریكی، پشتبهستن ب دو ژێدهران كریه كو ئاگههى ڤهكۆلینێن ئهمریكا بووینه بۆ داخستنا بالیۆزخانا خوه ل بهغدا و گۆت، پشتى زنجیرهكا هێرشێن مۆشهكى بۆ سهر زۆنا كهسك ژ لایێ میلیشیایێن ئیرانێ ڤه، ویلایهتێن ئێكگرتی یێن ئهمریكا ڤهكۆلینان بۆ داخستنا بالیۆزخانا خوه ل بهغدا دكهت.
ههر ل گۆرهى وى ژێدهرى، ئهڤ گاڤا ئهمریكا دگهل چهندین گاڤێن دى ل ژێر ڤهكۆلینێ نه، دبیت بریارا داخستنا بالیۆزخانا ئهمریكا ببیته دهستكهفتهك بۆ كۆمارا ئیسلامییا ئیرانێ، پشتى دونالد ترامپ سهرۆكێ ئهمریكا ئیران ب پشتهڤانا تیرورێ ب ناڤكرى.
ل رۆژا ئێكشهمبیا بوورى، سیستهمێ بهرگریا ئاسمانى یێ ئهمریكى ل بهغدا، هێرشهكا مۆشهكى یا میلیشیایێن ئیرانێ لسهر زۆنا كهسك ل بهغدا تێكشكاندبوو.
