سەرۆکێ هەرێما کوردستانێ پیرۆزباهى ل دانە حسێن كر، ب هه‌لكه‌فتا ب ده‌ستڤه‌ئینانا مەدالیا زێرین د قاره‌مانیا عەرەبى یا گۆرەپان و مەیدانى دا .
نێچیرڤان بارزانی، سەرۆکێ هەرێما کوردستانێ د تویته‌كى دا پیرۆزباهى ل دانە حوسێن، خانما وەرزشڤانا ئیراقێ كر بهه‌لكه‌فتا وه‌رگرتنا مه‌دالیا زێرین د پێشبرکیه‌كا 200 مەتری سەر ئاستێ ژنان، 200 مترى كو د 22 چركان دا برى و هژمارا پیڤایى شكاند د 22مین قاره‌مانیا عه‌ره‌بى بۆ گۆرەپان و مەیدان دا ل سەر ئاستێ ژن و زه‌لامان.
نێچیرڤان بارزانی دیاركر: وه‌لاتێ مه پێدڤى ب ژنێن وه‌ك دانه حسێنێ نه دهه‌موو بواران دا و هیڤیا سه‌ركه‌فتنێ و بەرەف پێشڤەچوونا باشتر بۆ دخوازم، و پیرۆزباهی ل هه‌موو ئیراقیان دكه‌م.
دانە حسێن سالا 1986 ل بەغدا ژ دایك بوویه، وەرزشڤانا گۆرەپان و مەیدانیه، هه‌تا نها 10 مه‌دالى وه‌رگرتینه و ناسناڤێ بله‌زترین ژنا عه‌ره‌ب وه‌رگرتیه و بەشداری د ئۆلۆمپیا لەندەن و پەکین ژى دا کریه.
