دەمێ بووری ژبەر رێکارێن ساخلەمیێ وەزارەتا ساخلەمیا ھەرێما کوردستانێ بریار دابوو ھەموو دەریێن سنۆری ل دەمێ زڤرینا ھەرکەسەکی بۆ ناڤا ھەرێما کوردستانێ، پێدڤیە بۆ پشکنینا کۆرۆنایێ پێنجی دۆلار رازاندبان، لێ نھا ئەو بریارە گوڕانکاری تێدا ھاتینە کرن ب تایبەت بۆ زارۆیێن ئێک رۆژی ھەتا دوازدە سالی دگەل وان قوتابیێن ل تورکیا دخوینن ب تنێ دێ پشکنین بۆ وان ھێنە کرن و چ پارەی وەک بھایێ پشکنینێ نادەن.
ژێدەرەکێ ژ دەریێ سنۆری یێ ئیبراھیم خەلیل تایبەت بۆ خانی نیوز دیار کر، پێشتر ھەرکەسەکێ د رێکا دەریێ سنۆری یێ ئیبراھیم خەلیل را قەستا ھەرێما کوردستانێ کربا ل دووڤ ڕێکارێن وەزارەتا ساخلەمیێ پشکنین بۆ دھاتە کرن و پێنجی دولار ژێ دھاتن وەرگرتن، لێ ئەڤرۆ و پێڤە بۆ ھندەک کەسان ئەو کۆژمە وەک لێبورین بۆ دەرچوویە و ب تنێ دێ پشکنینان بۆ کەن و پارە ژێ ناھێتە وەرگرتن ئەو ژی زارۆیێن ژیێ وان ئێک رۆژی تا دوازدە سالی و قوتابیێن ل تورکیا ژی دخوینن ژوان ناھێنە وەرگرتن.
ژێدەری دیارژی کر، ئەڤ کۆژمێ دەستنیشان کری وەک داھات راستەوخۆ ب ڕێکا ڕێڤەبەریا گشتی یا ساخلەمیا پارێزگەھا دھۆکێ بو وەزارەتا ساخلەمیا حکومەتا ھەرێما کوردستانێ دھێتە رەوانەکرن و چ پەیوەندی ب داھاتێ گومرکێ ڤە نینە .
خانى نیوز، نزار مجید
