باسم عه‌بد عه‌لی رێڤه‌به‌رێ گشتیێ بانكا ره‌شید راگه‌هاند، بانكا مه دێ قه‌ران ده‌نه وان فه‌رمانبه‌ران كو مووچێن خوه د رێكا ماسته‌رێ وه‌رگرن، ئه‌ڤه سێ رۆژه ده‌ست ب پێدادنا وى قه‌رى كرییه ب هه‌ر (10 ملیۆن ) دیناره ب رێژا 5% مفاى ژێ وه‌ردگرن و سه‌رجه‌مێ گشتى ژى یێ قه‌رى (20ملیۆن ) دیناره.
گوت ژى قه‌ر دێ ب رێكا پێشكێشكرنا فورمه‌كا ئه‌لیكترونى بیت، ئه‌و كه‌سێن ئاره‌زومه دشێن ل سه‌ر پێگه‌هێ بانكا ره‌شید فورمێ پر بكه‌ن، هه‌روه‌سا مه‌رجێن وه‌رگرتنا قه‌ران، رێڤه‌به‌رێ گشتى یێ بانكا ره‌شید روونكرییه، ئه‌گه‌ر كه‌سه‌كى ناسناما ژۆرا بازرگانى ل به‌غدا هه‌بیت، دشێن وه‌ربگرن ب رێژا 5% سه‌دێ مفا دێ چیته سه‌ر، هه‌روه‌سا كه‌سێن خانه‌نشین ژى دشێن وه‌ربگرن ب رێژا 4% مفا بۆ دێ ئێخنه سه‌ر قه‌ران بۆ ده‌مێ پێنچ سالان دشێن پاران بزڤرینن.
بانكا ره‌شید هه‌ڤشێوه‌یێ بانكا رافیده‌ین، هه‌ردووك د رێكا بانكا ناڤه‌ندییا ئێراقێ پشتگرى لێ دهێته كرن به‌رى نوكه ژى ب رێكا چه‌ندین قه‌رێن جوراو جور فه‌رمانبه‌ر و خانه‌نشین و وه‌لاتى ژ دوو بانكان مفایى دبینن، ژبه‌ركو چ تایێن وێ ل هه‌رێما كوردستاتنێ نینه فه‌رمانبه‌ر و وه‌لاتێن هه‌رێمێ نه‌شێن مفاى ژێ بینن.
