فه‌رمانگه‌ها میدیا و زانیارى یا حكومه‌تا هه‌رێما كوردستانێ راگه‌هاند؛ چ بنگه‌هێن هه‌والگیریا ئسرائیلێ ل باژارێ هه‌ولێرێ نینن و ئه‌و نووچه‌یێن هاتینه به‌لاڤكرن دوورن ژ راستیێ.
ئاژانسێن نووچه‌یێن ئیرانى به‌لاڤكربوو كو 3 كارمه‌ندێن هه‌والگیریا ئسرائیلێ ل ده‌مێ مۆشه‌كبارانكرنا بنگه‌هێ وان دا ل هه‌ولێرێ هاتینه كوشتن.
فه‌رمانگه‌ها میدیا و زانیارى یا حكومه‌تا هه‌رێما كوردستانێ راگه‌هاند؛ ڤان جوره نووچه‌یێن بێ بنه‌ما ره‌ت دكه‌ین و رادگه‌هینین كو چ بنگه‌هێن ئسرائیلێ ل كوردستانێ نینن، ئارمانج ژ به‌لاڤكرنا ڤان بابه‌تان دروستكرنا كه‌رب و ناكوكیێ یه به‌رامبه‌ر هه‌رێما كوردستانێ.
د راگه‌هاندنا فه‌رمانگه‌ها میدیا و زانیارى دا داخاز ژ ده‌ستهه‌لاتدارێن كۆمارا ئیرانێ دكه‌ت رێكێ ل به‌لاڤكرنا ڤان جوره بابه‌تێن بێ بنه‌ما بگرن، ئه‌ڤ چه‌نده خزمه‌تا په‌یوه‌ندیێن هه‌ردوو لا ناكه‌ن.
