وه‌زیرێ ساخله‌مییا هه‌رێما كوردستانێ راگه‌هاند؛ 20% یا خه‌لكێ كوردستانێ تا داویا ئه‌ڤساله دێ هێنه ڤاكسیندان.
سامان به‌رزنجی، ئه‌ڤرۆ د پرێس كۆنفرانسه‌كی دا راگه‌هاند؛ ل گۆر پلانا وان 20% یا خه‌لكێ كوردستانێ تا داویا ئه‌ڤساله دێ هێنه ڤاكسیندان و تا نها 190 هزار وه‌لاتییان قورچا ئێكێ یا ڤاكسینا دژی كۆرۆنا وه‌رگرتییه كو دبیته 5% و 70 هزاران قورچا دویێ وه‌رگرتییه دبیته 2%، ل گۆر پیڤه‌رێن جیهانی پێدڤییه بگه‌هیته 20% .
پێشتر ژی وه‌زیرێ ساخله‌میێ راگه‌هاندبوو، رێژه‌یا توشبوون ب كۆرۆنایێ ل هه‌رێما كوردستانێ بلندبوویه و پێدڤییه پێگیریێ ب رێنمایێن خوه‌پاراستنێ بهێنه دان.
