جڤاتا وه‌زیران هه‌ماهه‌نگى دناڤبه‌را حكومه‌ت و په‌رله‌مانى دا هاته‌ گۆتوبێژكرن

د كومبوونا ئه‌ڤرۆ دا یا جڤاتا وه‌زیران، مه‌سرور بارزانى ده‌ست خۆشى ل تیما حكومه‌تێ كر بۆ پشكداریكرنێ و به‌رسڤدانا پرسیاران د رۆینشتنا په‌رله‌مانى دا، هه‌روه‌سا گوتوبێژ ده‌رباره‌ى داوى  راپورتا دیلۆیت یا به‌رهه‌مئینان و فرۆشتنا نه‌فتێ هاته‌ كرن و ئاماژه‌ ب زۆرییا خه‌رجیێن وارێ نه‌فتێ دا هاتنه‌ دان.

جڤاتا وه‌زیران، ئه‌ڤرۆ چار شه‌مبى 7-7-2021ێ كۆمبوونا خوه‌ یا حه‌فتیانه‌ ب سه‌رۆكایه‌تییا مه‌سرور بارزانى، سه‌رۆكوزیرێن هه‌رێما كوردستانێ و ب ئاماده‌بوونا قوباد تاله‌بانى، جێگرێ سه‌رۆك وه‌زیران كر. 

ل دووڤ راگه‌هاندنا سه‌رۆكایه‌تییا حكومه‌تا هه‌رێما كوردستانێ، د كۆمبوونێدا چه‌ند ته‌وه‌ره‌ك خستنه‌ به‌رچاڤ و ژوان ژى كۆمبوونا ئالان حه‌مه‌ سه‌عید، وه‌زیرێ په‌روه‌ردێ كو راپورته‌كا شیكارى سه‌باره‌ت ره‌شه‌نڤیسا پرۆژه‌ یاسایا( په‌روه‌رده‌ و فێركرن ل هه‌رێما كوردستانێ)به‌رچاڤكرن، كو بریاره‌ د كۆمبوونا داهاتى دا یا جڤاتا وه‌زیران دا،كو گۆتوبێژێن زێده‌تر ل سه‌ر بهێنه‌ كرن.

هه‌روه‌سا سامان به‌رزنجى وه‌زیرێ ساخله‌میێ پوخته‌ك ل سه‌ر ره‌وشا نوكه‌ یا نه‌خۆشییا كۆرۆنایێ و داتا و بنه‌مایێن هه‌لسه‌نگاندنێ ئه‌و زێده‌بوونا د رێژه‌و ژماره‌ییا تووشبوویان و گومانا ئه‌گه‌رێ  به‌لاڤبوونا زنجیره‌كا نوو یا ڤایرۆسێ كۆرۆنایێ به‌رچاڤكرن. 

ل داوییا كۆمبوونێ دا ، بریار هاته‌ دان كو كۆمبوونا جڤاتا بلندا ئابوورى سه‌باره‌ت ب رێكخستنا باجێ و رسوماتان ژ لایه‌نێ سه‌رۆك و سه‌رۆكوه‌زیرێن ڤه‌ بۆ جڤاتا وه‌زیران دیاركر، و ل دووڤ راگه‌هاندنێ، وه‌زیر هاتینه‌ راسپاردن كو ده‌رباره‌ى وێ چه‌ندێ هه‌ڤكارى و هه‌ماهه‌نگییا پێدڤى بكه‌ن.