ئه‌فسه‌ره‌كى پولیسێن هاتنوچوونێ ل قه‌زا ئامێدیێ دیار كر، ژ به‌ر هه‌بوونا سر و سه‌رمایێ و كه‌فتنا به‌فرێ ل جهێن بلند، رێك و جاده دبنه به‌ستى ژ به‌ر وێ یه‌كى ژى پێدڤیه شۆفێر یێ هشیار بیت ل سه‌ر هاژۆتنا ترۆمبێلێ و ئه‌وێن ل جهێن بلند ژى كو بۆ مه‌به‌ستا گه‌شتیاریێ قه‌ستا وان جهان كرى، پێدڤیه به‌رى جاده ببه‌ستیت بهێنه خارێ بتایبه‌تى ژى یێن چیایێ گاره.
جه‌رگیس ئه‌ره‌دنى، كۆمیسه‌ر ل پشكا هاتنوچوونێ بۆ خانى نیوز دیاركر، هه‌ژماره‌كا خه‌لكى قه‌ستا چیایێ گاره كریه و رێك د خۆش نینن بتایبه‌تى ژى ب شه‌ڤێ و دبیته به‌ستى، داخاز ژى ژ شۆفێر و خه‌لكێ ده‌ڤه‌رێ كر، ب شه‌ڤ قه‌ستا چیایێ گاره‌ى نه‌كه‌ن و ئه‌وێن ل وێرێ ژى بن ب زووترین ده‌م ڤه‌گه‌رن به‌رى جاده ببیته به‌ستى، ژبه‌ركو دێ ئاسێ بن و جاده ب دروستى نه‌هاتیه پاقژكرن.
ناڤهاتى ئاشكرا كر: داكو گیانێ شۆفێر و گه‌شتیاران یێ ب سلامه‌ت بیت دڤێت پێگیر بن ب رێنمایێ هاتنوچوونێ بتایبه‌تى ژى د وه‌رزێ زڤستانێ دا.
خانى نیوز، مه‌حمود نهێلى :
