وەزارەتا دارایی و ئابووری دەستهەڵاتا هەڵوەشاندنا چ باوه‌رنامه‌كێ نییە

وەزارەتا دارایی و ئابووریا هەرێمێ راگەهاند، “وەزارەتا دارایی و ئابووری دەستهەڵاتا هەڵوەشاندنا چ باوه‌رنامه‌كێ نییە و چاوانییا جێبەجێکرنا بڕیارێ ژى روون کرییه‌.

د راگه‌هاندنه‌كێدا وه‌زاره‌تا دارایى به‌حسێ هندێ كرییه‌، كو گشتاندن ئه‌وان فه‌رمانبه‌ران ڤه‌دگریت كو خواندنا سپێده‌هییان یان ژ ده‌رڤه‌یى وه‌لاتى و بێ موله‌ت خواندین و ده‌ركه‌فتین ژ یاسایێ و باوه‌رنامه‌ ب ده‌ستڤه‌ ئیناین.

وه‌زاره‌تا دارایى ئاماژه‌ دایه‌، كو رۆژانێن داهاتى دێ روونكرنێن یاسایى و تایبه‌ت ب وێ بریارێ ڤه‌ ل جڤاتا وه‌زیران ب فه‌رمى دێ ده‌رچیت.

هه‌ر ئه‌ڤرۆ، رێواز فایه‌ق سه‌رۆكا په‌رله‌مانێ كوردستانێ د كۆمبوونا ئه‌ڤرۆ یا په‌رله‌مانى دا، ده‌رباره‌ى بریارا وه‌زیرێ دارایى بۆ هه‌لوه‌شاندنا ئه‌وا باوه‌رنامێن بێ موله‌ت خواندن ب ده‌ستڤه‌ ئینایى راگه‌هاند، وه‌زیرێ دارایى نه‌شێت چ بریارێن ب ڤى شێوه‌ى ب ده‌ت، ئه‌م دشێن بێژین ناهێنه‌ هژمارتن، چونكى ب ده‌ستڤه‌ئینانا باوه‌رنامان رێكارێن خوه‌ هه‌نه‌.

ئه‌ڤه‌ د ده‌مه‌كیدایه‌، ئه‌ڤرۆ نڤیساره‌كا وه‌زاره‌تا دارایى و ئابوورى به‌لاڤبوویه‌، كو ل دووڤ نڤیسارا جڤاتا وه‌زیران و هه‌ر باوه‌رنامه‌كا بێ موله‌تا خواندنێ ب ده‌ستڤه‌ئینابیت دێ هێته‌ هه‌لوه‌شاندن.

د نڤیسارێدا هاتییه‌، كو بریار یا پالپشته‌ ب یاسایا چاكسازیێ و ل چارێ ئه‌ڤێ هه‌یڤێ هاتبوو ئاراسته‌ كرن بۆ هه‌موو وه‌زاره‌تان.