وەزیرێ کارەبا حکومەتا هەرێما کوردستانێ دیاركر: نێزیكى ترلیۆنه‌ك و 298 ملیار دیناران وه‌كو قه‌رێن كاره‌بێ ل ده‌ف وه‌لاتیان ماینه و ئه‌گه‌ر ئه‌ڤ قه‌ره 50% بهێنه دان دێ سوته‌مه‌نى یا پێدڤى ل به‌رده‌ست هه‌بیت و ئاریشێن كاره‌بێ نامینن.
کەمال محەمەدسالح وەزیرێ کارەبا هەرێما کوردستانێ بۆ ده‌نگێ ئه‌مریكا راگه‌هاند: کاره‌ب د نوكه دا نێزیكى 16 ده‌مژمێران بۆ وه‌لاتیان دهێته دان، هه‌تا 15 مه‌ها خزیرانێ نێزیكى 18 ده‌مژمێر و 20 خۆله‌كان بوو به‌لێ ژبه‌ر چه‌ند ئه‌گه‌ران ده‌مژمێرێن كاره‌بێ كێم بوون ئێك ژ وان ئه‌گه‌ران بلندبوونا پلێن گه‌رمێ ل هه‌رێم و ئیراقێ.
کەمال محەمەد گۆت: ب ئه‌نجامدانا پرۆژه‌یێ پیڤه‌رێ زیره‌ك گوهورینێن مه‌زن دێ ب سه‌ر كاره‌بێ دا هێن و ئه‌ڤ كاره‌با ب زێده دهاته سه‌رفكرن نه‌مایه،
وەزیرێ کارەبا حکومەتا هەرێما کوردستانێ دیاركر؛ ل سالا 2011 هه‌تا 2020 کۆمپانیا ماس کاره‌ب بۆ که‌رکوکێ فرێدكر به‌لێ ل مه‌ها 9 سالا 2020 ئه‌ڤ كاره‌به راوه‌ستاند ژبه‌ر نه‌بوونا سوته‌مه‌نیێ بۆ نموونه نها ژ 8 یه‌کێن ل دهۆکێ ب تنێ ئێك یه‌ك كار دكه‌ت.
