مه‌سرور بارزانى پێشوازی ل بالیۆزێ بەلجیکا ل ئیراقێ كر

سەرۆکێ حکومەتا هەرێما کوردستانێ ئه‌ڤرۆ رۆژا سێشه‌مبى پێشوازی لە فیلیپ ڤاندەن بولکه بالیۆزێ بەلجیکا ل ئیراق و ئوردنێ کر.

مه‌سرور بارزانى  و فیلیپ ڤاندەن، داوى گوهۆرینێن ئیراق و ده‌ڤه‌رێ و به‌ره‌ڤ پێشبرنا پەیوەندیێن بەلجیکا و هەرێما کوردستانێ گۆتۆبێژكرن، هه‌روه‌سا بالیۆزێ بەلجیکا سلاڤ و رێزێن سەرۆک وەزیرێن بەلجیکا گه‌هاندنه‌ سەرۆکێ حکومەتێ و به‌رهه‌ڤیا وه‌لاتێ خوه‌ بۆ پێشڤه‌برنا په‌یوه‌ندیان د هه‌موو بواران دا دگه‌ل هەرێما کوردستانێ دیاركر.

سەرۆکێ حکومەتێ سوپاسیا هاریكاریێن بەلجیکا کر ژ چارچوڤێ هه‌ڤپه‌یمانیێن ناڤده‌وله‌تى  دژى داعشێ كو بەردەوام پشته‌ڤانیا پێشمەرگەى بوون ، هه‌روه‌سا دووپات ل گرنگیا بەردەوامبوونا پەیوەندی و هەماهەنگیێ دناڤبه‌را بەلچیکا و هەرێما کوردستانێ کر.