په‌رله‌مانێ به‌لجیكا دێ ده‌نگدانێ لسه‌ر جینۆسایدا ئێزدییان كه‌ت

بریاره‌ په‌رله‌مانێ به‌لجیكا ل 15ی ڤێ مه‌هێ د روونشتنا په‌رله‌مانى دا ده‌نگدانێ لسه‌ر ناساندنا جینۆسایدا ئێزدییان یا سالا 2014 بكه‌ت.

د ده‌مێ بوورى دا ل ڤێ مه‌هێ لژنه‌یا كاروبارێن ده‌رڤه‌ ل په‌رله‌مانێ به‌لجیكا راگه‌هاندبوو كو دێ د روونشتنه‌كا فه‌رمى دا ده‌نگدانێ لسه‌ر جینۆسایدا ئێزدیان كه‌ن.

بریارا روونشتنا جینۆسایدا ئێزدییان ژلایێ ئه‌ندام په‌رله‌مانێ پارتا ئۆپۆسزیون یا به‌لجیكى (كووێن مێتسۆ) ڤه‌ هاتبوو داخازكرن.

ل مه‌ها هه‌شت یا سالا 2014ێ، رێكخراوا تیرۆرستى یا داعش ب هزاران خه‌لك ژ پێكهاته‌یێن كوردستانێ تیرۆر كرن و زێده‌ترى 6000 كچ و ژن و زارۆكێن ئێزدى ره‌ڤاندن.

تا نها 15 وه‌لات و رێكخراوێن ناڤده‌وله‌تی ب فه‌رمى دانپێدان ب جینۆسایدا ئێزدییان كرییه‌ ئه‌وا ژلایێ تیرۆرستێن داعش ڤه‌ هاتییه‌ ئه‌نجامدان