ژووره‌كا هه‌ماهه‌نگیێ دێ بۆ ئاریشا سۆته‌مه‌نیێ هێته‌ دروست كرن

خانی نیوز، زنار تۆڤی:
جێگرا سەرۆکێ لژنا سامانێن سروشتی و وزێ‌ و پیشه‌سازى ل پەرلەمانێ کوردستانێ بۆ خانی نیوز راگه‌هاند: بریاره‌ پشتى جه‌ژنا قوربانێ ژووره‌كا هه‌ماهه‌نگیێ بۆ ئیداره‌كرنا قه‌یرانا سووته‌مه‌نیێ ل‌ هه‌رێما كوردستانێ بهێته‌ دروست كرن، ژ پێخه‌مه‌ت ئاریشا سۆته‌مه‌نیێ بهێته‌ چاره‌سه‌ر كرن و ئێدی چ ئاریشه‌ دروست نه‌بنه‌ڤه‌ و ئه‌م ب هیڤینه‌ كو بهایێ بانزینێ بهێته‌ خوار.
گولیزار ره‌شید سندى گوت ژی: بریارە پشتی جه‌ژنا قوربانێ بۆ ئیدارەکرنا قەیرانا سۆتەمەنیێ و ب تایبەتی ژی بانزینێ، ژووره‌كا ھەماھەنگیێ وەک ژوورا شانێن قەیرانان، ل هه‌رێما كوردستانێ بهێته‌ دروست كرن و دیسان دڤێت بهایێ بانزینێ ل هه‌مو ده‌ڤه‌ران وه‌كو ئیك بیت.
ناڤهاتییێ گۆت ژی: ئه‌و ژوورە دێ ژ نوونەرێن پەرلەمانێ كوردستانێ، وەزارەتا ناڤخۆ، وەزارەتا سامانێن ‌سروشتی یا حكومه‌تا هه‌رێمێ و هه‌ر چار پارێزگه‌هێن هه‌رێمێ پێكهێت، دیسان ئه‌م ئاریشێن وه‌لاتییان دگه‌هینینه‌ وه‌زاره‌تا سامانێن سروشتی یا حكومه‌تا هه‌رێمێ.