رێڤهبهرییا كهشناسى و بیڤهلهرزان ل ههرێما كوردستانێ د راگههاندنهكێ دا بهلاڤكرییه، ژ ئهگهرێ زێدهبوونا كارتێكرنا نزمه فشارا وهرزى یا سالانه پێشبینى دهێتهكرن سوبه پلهیێن گهرمێ نێزێكى ئێك پله بلند ببیت و ل رۆژێن دوشهمبى تا چارشهمبى دێ بلندبوونهكا پتر ب خوهڤه بینیت ههڤبهر ب پلهیێن گهرمێ یێن ئهڤرۆ، لێ رۆژا پێنج شهمبى پلا گهرمێ 2 تا 3 پلهیان دێ نزم بیت.
دیار ژى كرییه، رۆژێن دوشهمبى تا چارشهمبى پێشبینى دهێتهكرن بلندترین پلهیێن گهرمێ ل ههولێر و سلێمانى و دهۆك و ههلهبجه دناڤبهرا 43 تا 46 پلهیێن سلیزى دا بیت، ل كهركووكێ دناڤبهرا 46 تا 48 پلهیان دا بیت و ل گهرمیان و خانهقین ژى دناڤبهرا 47 تا 51 پلهیان بیت.
