هه‌تا سالا 2025 دو ملیار كه‌س ل جیهانێ دێ تووشى قه‌یرانا ئاڤێ بن

نه‌ته‌وێن ئێكگرتى راگه‌هاند: ل 50 سالێن بوورى پتریا كاره‌ساتا ژ ئاڤێ په‌یدا دبوون و بۆ ئه‌گه‌رێ ژناڤبرنا سه‌دان هزار كه‌سان ل سه‌ر ئه‌ردى.

فه‌رحان حه‌ق جێگرێ  په‌یڤدارێ سكرتێرێ گشتى یێ نه‌ته‌وێن ئێكگرتى  ل دۆر له‌هى و هشكه‌سالیێ  راگه‌هاند: پتریا وان كاره‌ساتێن  سرۆشتى  زیانێن ئابوورى په‌یداكرینه‌، ب ره‌نگه‌كێ 50% كاره‌ساتێن سروشتى  ژ نیڤا سه‌دێ بوورى ژ ئه‌گه‌رێ ئاڤێ بوون.

ئاماژه‌ ب هندێ ژى كر، له‌هى و هشكه‌سالى ئه‌گه‌رێ مرنا 45% یا خه‌لكی و74% زیانێن ئابوورى نه‌‌.

ل دووڤ ڤه‌كۆلینان  دهێته‌ چاڤه‌رێكرن هه‌تا سالا 2025 نێزیكى دو ملیار كه‌سان ل جیهانى تووشى قه‌یرانا ئاڤێ ببن، عیراق ئێك ژ وان وه‌لاتانه‌ مه‌ترسی لسه‌ر هه‌ى.