دژه‌ تیرۆرا كوردستانێ تاوانبارێ په‌قینا ده‌ڤه‌را سه‌در ل به‌غدا ده‌سته‌سه‌ركر

د راگه‌هاندنه‌كا رێڤه‌به‌راتییا گشتییا دژه‌ تیرۆرا كوردستانێ راگه‌هاند، كو تاوانباره‌ك ل كه‌مپا حه‌سه‌ن شام ده‌سته‌سه‌ركرییه‌، كو په‌یوه‌ندى دگه‌ل ئه‌وێ گرۆپا تیرۆرستییا په‌قینا به‌رى چه‌ند رۆژه‌كان ل بازاره‌كێ ده‌ڤه‌را سه‌در ئه‌نجام داى.

دژه‌ تیرۆرا كوردستانێ راگه‌هاند، كو رۆژا دووشه‌مبى 19 تیرمه‌هێ، په‌قینه‌كا خوه‌ كوژییا بازاره‌كێ ده‌ڤه‌را سه‌در ل به‌غدا پایته‌ختێ عێراقێ كره‌ ئارمانج و ب ده‌هان كه‌س بوونه‌ قوربانى، ده‌زگه‌هیێن ئێمناهییا حكومه‌تا فیدرالى داخوازا هاریكاریێ ژ حكومه‌تا هه‌رێما كوردستانێ كر ب مه‌ره‌ما ده‌سته‌سه‌ركرنا پشكدارێن ئه‌وێ تاوانێ، بۆ ڤێ مه‌ره‌مێ ژى ناڤێ داخوازكریان دانه‌ مه‌ كو په‌یوه‌ندى هه‌بوون دگه‌ل ئه‌وى گرووپێ كر و كارێ خوه‌ یێ ترۆرستى ئه‌نجام دا.

رێڤه‌به‌راتیێ ژى ئاماژه‌ ب هندێ دایه‌، كو دووڤچوونا تیمێن مه‌ ل رێڤه‌به‌راتییا گشتى یا دژه‌ تیرۆرا كوردستانێ، كه‌سێ داخوازكرى هاتییه‌ ده‌سته‌ سه‌ر كرن و دیار بوو كو ناڤێ وى(ح،ى،ع،ح) كو خه‌لكێ حه‌وێجه‌یه‌ و نوكه‌ ئاكنجیێ كه‌مپا حه‌سه‌ن شامه‌ و ل سه‌ر بریارا دادوه‌رى گومانلێكرى(ح) دێ راده‌ستى ده‌زگه‌هێن ئێمناهییا حكومه‌تا فیدرالى كه‌ن.